Mobile Par Pdf File Kaise Banaye? Create PDF from a mobile device

Doston aajke daur mein sab kuchh online ho gaya hai, saare kaam ghar baithe ho jaata hai. Shopping karne ho, bill payment karna ho ya kisi ko kuchh vejna ho abb sab online. Pehle ke samay mein log computer ya laptop ka sahara lete the lekin ajkal zamana smartphones ka hai.  

Mobile Par Pdf File Kaise Banaye

BTW, hum mudde se vatak rahe hai...😅 aur mudda ye hai ki ajkal school, college, office har jagah PDF files ka use kiya jaata hai. Toh aajke article mein hum PDF Kya hai, eske faide kya hai aur mobile par PDF kaise banaye es baare mein baat karne wale hain. Janne ke liye article ko shuru se lekar last tak jaroor padhein.  

PDF File Kya Hota Hai?

Pdf ek tarah file format hai, jiska full form hai Portable Document File. Baat kare eski shuruaat kaha se hui toh pehle ese computer ke file format ki taur par banaya gaya tha aur ese banaya tha Adobe software company ne. Aur jaise ki aap sabhi logon ko pata hai, aajke samay mein ese bohot hi zyada use kiya jaata hai. Jitne bhi ebooks aate hai saare pdf file mein hi aate dekhe honge kyunki ye easy to use hain. Aur har device mein accessible bhi.

Dekhiye jab hume kisiko kuchh bohot bada documents ya kuchh images vejna ho to, vejne mein aur download karne mein dono mein pareshaani hoti hai. Aisi sthiti mein humare paas ek hi achha option bachta hai jo ki hai pdf. Toh pdf ki madat se aap unn uljhe hue documents ko ek jagah par shrink karke vej sakte hai jisse readers ko bhi padne ne mein ya consume karne mein asaani hogi. Lekin aapko inn pdf files ko access karne ke liye ek pdf reader ki bhi zarurat padegi toh agar apke paas pehle se pdf reader nhi hai to download kar le.

PDF files ke faide: Benefits of using Pdf files 

Toh doston humne jan liye ki pdf hota kya hai. Abb humlog jaanne wale hain pdf file ke faidon ke baare mein.
  • Pdf ki madat se aap uljhe hue documents ko ek jagah par shrink karke rakh sakte hai. 
  • Ek pdf file ke andar aap har tarah ka document daal sakte hai jaise example ki taur par images, text, videos, codes etc. 
  • Computer, laptop, tablet, mobile har device mein accessible hai. 
  • Ek aur khaas baat ye hai ki har device mein Adobe pdf reader hota hi hai PDF files ko access karne ke liye. Matlab bahar download karne ka bhi koi jhanjhat nhi. 
  • Aap apne jarurat ki hisaab se eska print out bhi nikal sakte hai. 

Mobile Par PDF Kaise Banaye

Toh doston agar apne mobile mein pdf file banana chahte hain toh bahut hi asaani se bana sakte hai. Eske liye apko koi pehle se installed ya ready made app nhi milega toh esliye apko simply playstore se ek app download karna padega aur website ki link niche share kar dunga jiski madat easily koi bhi pdf bana sakta hai.

App ka name hai Pdf Creator aur aap ese ekdam free mein playstore se download kar sakte hai. Download karne ke baad jo jo permission mange vo allow kar de and niche mere bataye gaye steps ko follow kare.

 Step 1: 

Step 1

Pahle aap application ko open kare open karne ke baad apko ek Plus (+) icon dikhae dega uspar click kare, uske bad aap apne echcha anusaar PDF bana sakte hai. Jaise ki agar aap text and images wala PDF banana chahte hai toh "Standard PDF" select kare aur agar images ko PDF mein convert karna chahe to "Images PDF" select kare, yaha apko do aur damdaar option milti hai jaise aap yaha se web to PDF aur CV, Resume type ke PDF bhi bana sakte hai. Abb aap apne hisaab se koi ek option choose karke waha PDF file name daal de uske baad "OK" par click kare.

Step 2

 Step 2: 
Abb aapke samne ek text editor box open ho jayega aap es box me jo jo text likhna chahate hai wo likh sakte hai, agar aapko text ke under Image add karni hai to aap vo bhi kar sakte hai image icon par click karke, aur niche apko bold, italic, text colour, font background colour aur bhi bahut kuch milega jisse aap apne hisab se pdf bana sakte hai.

Step 3

 Step 3: 
Jab apka PDF ready ho jaye toh uske bad apka file banne ke baad kaise lagega use dekhne ke liye upar eye icon par click kare. Jaise hi eye ke icon click toh apke banaye PDF ka pura view dekh payenge.

 Step 4: 
Pura view dekhne ke baad agar apko laga ki esme kuchh kami hai. Toh aap usse change bhi kar sakte hai uske liye upar ek pencil ka icon show karega apko uss icon par click karna hoga. Uske baad aap apne hisab se firse edit kar payenge. Waise upar apko ek PDF ka icon dekhne ko milega, jispar click karne se apka PDF save ho jayega.

Step 4
 Step 5: 
Jab aap save kiya gaya pdf par click karenge toh apke samne open, share, print aur delete ka option aa jayega. Toh agar kisi ke sath Facebook, whatsapp jaise social media platforms par share karna chahte hai to be jhijak kar sakte hai.

Step 5

Final Words

Mujhe ummid hai, apko mobile par pdf file kaise banaye es baare mein jaankari mil gayi hogi. Jaha humne application ki madat se PDF banane ke baare mein puri jaankari hindi mein share kiya, waise agar apko aur bhi annya tarikon ke baare mein jaana hai to hamare "How To" category mein jaroor visit kare. I hope aaj ka article apko pasand aaya hoga. Agar apke mann mein koi sawal hai ya koi sujhav dena chahte hain to niche comment box mein apni raay zaroor rakhen. Agar aapko yeh post useful lagi ho toh apne doston ke saath bhi share kare. Aise hi nayi aur interesting jaankari prapt karne ke hamare saath jude rahe. Toh chaliye milte hai next post mein tabtak ke liye dhanyavaad!

Post a comment

0 Comments