Social Media Marketing Kya Hai? Step By Step Guide

Hello doston aaj ke blog post par aap sabhi ka swaagat hai. Es article mein hum baat karne wale hain social media marketing ke baare mein. Social media marketing kya hai aur eske kya kya fayde hain hum uske baare mein discuss karenge. 

Social Media marketing kya hai

Jaise ki hum sabhi ko pata hai ajkal internet par social media kitni teji se faail raha hai. Aap aur mere jaise kaee lakho croro log apne roj marya ki zindagi mein facebook, instagram, YouTube, twitter jaise social media par kitni zyada samay beetate hain. Toh aise mein hamare paas ek bohot bada opportunity hai social media ki madat se marketing karne ka. Kya aapne eske baare mein kabhi socha hai? nhi nah! ;)

Dost agar aap ek business owner hain aur aap apne brand value ko badhana chahte h ya sells generate karna chahte hain toh social media apke bohat kaam aane wala hai. Aur ajkal har company social media ka use karta hai customer se interact karne ke liye. Example ki taur par aap koi bhi ek company ka naam uthalo aur usse facebook par jaake search karo 100% guarantee deta hun vo company apko facebook par milega hi milega. 

Sirf mujhe nhi kaee marketing experts ko aisa lagta hai ki ye social media sites aage jakar aur bhi popular hone wala hai. Toh ready ho jao apne business ko expand karne ke liye kyunki mein aapko yaha sab kuchh ekdam bistar se batane wala hun. Social media marketing ko acche se samajhne ke liye pehle hume ye janna hoga ki social media kya hai? Aur marketing kya hai? 

Social Media Kya Hai?

Social media ek aisa madhyam hai jiske jariye hum apne dosto aur chahne walo se jud sakte hai. Example ki taur par jaise facebook, whatsapp, youtube, instagram etc. So basically social media hamare jaise aam aadmiyon ko ye mauka deti hai apna talent duniya ke samne show karne ka. Yaha par aap pics, videos and text ke through apne talent ko jaahir kar sakte hai. 

Marketing Kya Hai? 

Marketing ek process hai jiske through aap apne products ya services ko customers tak pohonchate ho. Like ese advertising bhi keh sakte hai. Es process mein 4 alag alag elements hote hain jinko hum marketing ke 4Ps ke naam se jaante hai. Product, Price, Place aur Promotion Marketing ke 4Ps hain ye sunne mein jitna asaan lagta hai utna hai nhi bro. 

Social Media Marketing Kya Hai? 

Agar asaan bhasa mein kaha jaaye toh kisi brand ko social media par promote karne ke liye jo strategies apply ki jaati hai..uss overall process ko hi social media marketing kaha jaata hai. Bohot log confuse ho jaate hain toh unko me bata dun ki ese SMM bhi kaha jaata hai! Jo ki Social Media Marketing ka short form hai. 

Social Media Marketing ke madad se kaee new businesses ko boost mila hai. Chaliye example ke jariye samjhte hain, apke paas koi new product ya service hai aur aap usse bechna chahte ho to eske liye marketing ki zarurat padegi. Kyunki aap jab tak aap uski marketing (prachaar) nhi karenge tab tak kisiko pata nhi chalega aur koi kharidne ke liye aayega nhi. Toh aise mein aap social media marketing ke madad se dher saare customer attention grab karke huge sells generate kar sakte hai. 

Importance of Social Media Marketing

Jaise ki hamne jaana social media marketing kya hai aur abb hum janne wale hain ki social media marketing ke importance ke baare mein. 

Doston aaj ke samay mein social media bohot hi teji se grow kar raha hai. Sirf india mein lagbhaag 36 crore log social media ka istemaal karte hai. Matlab samajh rahe ho kitni badi opportunity hai, kitne kam time mein kitne logo tak pohonch sakte ho. Aur ek acchhi baat ye hain ki inn social media siton ka advertising fees bhi bohat kam hai matlab sone pe suhaaga. 

Social Media Marketing Kaise Kare? 

Doston yaha mein aaplogo ko Social Media Marketing kaise kare ke uss baare mein batane wala hun. Jinka use se aap apne company ko ek nayi disha pradaan kar sakte hai. Aur aapne sells ko kaee guna bada sakte hai. Toh chaliye jaan lete hai kaise kya kuchh karna hai. 

 #1:  Competitors Research

Doston sabse pehle apko apke competitors ke upar nazar rakhna hai. Yeh dekhna hai ki vo kya kar rahe hai aur kaise apne business ko aage badha rahe hai. Aap jab ye saari cheezein analyse karenge tab apko customer ki needs aur market demands ke baare mein achhe se pata lag jayega. Abb uss hisaab se apply karke aap apne business ko ek boost dila sakte ho. 

 #2:  Content Planning

Social media mein apne business ko promote karne ke liye apko content planning ki jarurat padegi kaise aap customer attention ko grab karenge. Eske liye aapko chhota aur attractive content likhna hoga jo samajhne mein asaan ho. Aur bina planning ke koi bhi business ka future imagine bhi nhi kar sakte. 

 #3:  Create Social Media Business Page

Abb apko apne business ke liye har social media siton par business page banana padega. Jisse apke Business ki online branding bhi ho jayegi. Har ek top social media site jaise facebook, instagram, twitter, pinterest, linkedin, tumblr etc. inn jagahon par apna business page banakar customers ke saath jude aur unke needs ko samajhne ki koshish kare. 

 #4:  Business Advertisement 

Doston sirf page banakar content likhne se kuchh nhi hoga agar apko jyada se jyada logo tak pohochna hai to thode bohot paise to invest karne padenge. Jisse apki reach kaee guna badh jayegi. Abb ads chalane ke liye aap Google Ads, Facebook Ads, Linkedin Ads ka use kare jyadatar popular companies inn ka hi use kar rahi hai. 

Social Media Marketing Explained in Hindi by Pritam Nagrale


Final Words

Mujhe ummid hai, apko Social media marketing kya hai? Kaise kare es baare mein jaankari mil gayi hogi. Jaha humne Social Media Marketing ke baare mein puri jaankari hindi mein share kiya. I hope aaj ka article apko pasand aaya hoga. Agar apke mann mein koi sawal hai ya koi sujhav dena chahte hain to niche comment box mein apni raay zaroor rakhen. Agar aapko yeh post useful lagi ho toh apne doston ke saath bhi share kare. Aise hi nayi aur interesting jaankari prapt karne ke hamare saath jude rahe. Toh chaliye milte hai next post mein tabtak ke liye dhanyavaad!

Post a comment

0 Comments